ABŞ-ın Federal Ehtiyatlar Sisteminin (FES) monetar siyasəti sərtləşdirəcəyi ilə bağlı gözləntilər qızılın qiymətinin düşməsinə səbəb olub.
Xeberle.com birjalara istinadən xəbər verir ki, Nyu-Yorkun "Comex” birjasında qızılın iyun fyuçersləri 0,84%, yaxud 16,4 ABŞ dolları ucuzlaşaraq, 1 unsiyası 1 918,4 ABŞ dollarına satılıb. Gümüşün may fyuçerslərinin qiyməti isə 1,74% düşərək, 1 unsiyası 23,837 ABŞ dolları təşkil edib.
Ötən həftə, təxminən, 3% ucuzlaşmış qızılın qiyməti düşməkdə davam edir. İnvestorlar FES nümayəndələrinin gələcək siyasətlə bağlı bəyanatlarını diqqətlə izləyirlər. Belə ki, FES rəhbəri Cerom Pauel may iclasından sonra faiz dərəcəsinin 0,5 faiz bəndi artırılmasının zərurəti barədə bəyanat verib.
Bu gözləntilər ABŞ dollarının məzənnəsinin artmasına təsir edən amil olub. Belə ki, daha bahalı ABŞ dolları qızılın satınalmalar üçün cəlbediciliyini azaldır.
Xəbərdən istifadə edərkən istinad etmək vacibdir.
