Bildiyiniz kimi, bu gün növbəti bələdiyyə seçkiləridir. Qeyd edək ki, bu il bələdiyyə seçkilərində 1607 bələdiyyə üzrə 15 035 bələdiyyə üzvü seçilməlidir.

Seçkilər 118 dairə üzrə keçirilir. Ermənistan tərəfindən işğal olunmuş əraziləri əhatə edən rayonların aid olduğu 7 seçki dairəsi üzrə bələdiyyə seçkiləri keçirilmir.

Səsvermə 5015 məntəqədə həyata keçirilir. Bu məntəqələrdən 4887-si daimi, 128-i isə müvəqqəti yaradılan məntəqədir.

Bələdiyyə seçkiləri üçün 37 077 namizəd qeydə alınıb. Onlardan 13 907 nəfərin namizədliyi 8 siyasi partiya tərəfindən irəli sürülüb. Bunlar Yeni Azərbaycan Partiyası, Ana Vətən Partiyası, Vətəndaş Həmrəyliyi Partiyası, Ümid Partiyası, Azərbaycan Sosial Demokrat Partiyası, Milli Dirçəliş Hərəkatı Partiyası, Azərbaycan Demokrat İslahatları Partiyası və Böyük Quruluş Partiyasıdır.

Namizədliyi qeydə alınan 23 061 nəfərin namizədliyi özü tərəfindən, 109 nəfərin namizədliyi isə təşəbbüs qrupu tərəfindən irəli sürülüb.

Sumqayıta gəldikdə isə şəhər bələdiyyəsinə 19 üzv seçilməlidir. Sumqayıtda bu 19-luğa düşmək üçün 71 nəfər mübarizə aparır. Şəhərdə 4 seçki dairəsi var. 41 saylı I seçki dairəsində 33 məntəqə var, seçicilərin sayı isə 42387 nəfərdir. 42 saylı II seçki dairəsinin 38 məntəqəsi var və burada seçici sayı 40938 nəfərdir. 43 saylı III seçki dairəsində isə bu rəqəmlər belə paylaşıb: 34 məntəqə 42147 seçici. Sonunci dairəyə gəldikdə isə bu seçki dairəsi Sumqayıt və Xızı rayon seçicilərindən formalaşıb. Burada isə 48 məntəqə 41316 seçici var. Ümumilikdə isə seçici sayı 166788 nəfərdir.

Səhər saatlarından başlayan seçkilərdə seçicilərin fəallığına gəldikdə isə Mərkəzi Seçki Komissiyasının yaydığı məlumata görə, 41 saylı I seçki dairəsində saat 15:00-a 11531 (28.17%)) seçici öz səsvermə hüququndan istifadə edib.

42 saylı II seçki dairəsində isə bu göstərici 11533 nəfərdir (28.17%)

43 saylı III seçki dairəsində isə 11846 (28.11%) nəfər məntəqələrə gələrək səs veriblər.

Sumqayıt-Xızı seçki dairəsində isə 12782 (29.12%) nəfər seçkidə iştirak edib.

Xeberle.com