Sumqayıtın 65 illik yubileyi münasibətilə Səməd Vurğun adına Mərkəzi kitabxananın əməkdaşları "Tarixini yazan şəhər” adlı biblioqrafik göstərici tərtib ediblər. Vəsaitdə Sumqayıtın tarixi, iqtisadiyyatı, ictimai-siyasi həyatı və s. sahələri ilə bağlı kitab və dövri mətbuat materialları toplanıb. Sosial və demoqrafik mənzərəsinə görə "kiçik Azərbaycan" adlandırılan Sumqayıtın 65 illik yubileyinə həsr olunan biblioqrafik göstəricinin "Kitablar” bölməsi illər üzrə, dövri mətbuat materialları isə əks xronoloya ilə 17 bölmə və120 yarımbölmədə qruplaşdırılıb. 2653 adda ədəbiyyatı özündə əks etdirən 280 səhifəlik bu vəsait geniş oxucu kütləsi üçün nəzərdə tutulub. Biblioqrafik göstəricinin redaktoru Səməd Vurğun adına Mərkəzi kitabxananın direktoru Yeganə Əhmədovadır. Tərtibçiləri isə kitabxananın əməkdaşları Rəna Həsənova, Nazxanım Cəfərova və Mətanət Əliyevadır.

Xatırladaq ki, buna qədər Sumqayıtın 40, 45, 50 və 60 illik yubileyləri münasibətilə Səməd Vurğun adına Mərkəzi kitabxananın müvafiq şöbələri tərəfindən biblioqrafik göstəricilər tərtib edilb. Oxuculara təqdim edilən yeni biblioqrafik göstərici tamamilə təkmilləşdirilib və əlavələr edilib.
Biblioqrafik göstərici ilə bu linkdən tanış ola bilərsiniz.  http://sumlib.az/BiblioqrafikGostericiler/73.pdf

Xeberle.com