Sabah Azərbaycan Respublikasının Prezidenti İlham Əliyevin Sumqayıta səfəri planlaşdırlır. Xeberle.com-a verilən məlumata görə, ölkə başçısı Sumqayıtda bir neçə açılış mərasimində iştirak edəcək. İlham Əliyevin öncə Vətən uğrunda canından keçmiş sumqayıtlıların uyuduğu Şəhidlər xiyabanına gəlməsi, xiyabanın giriş hissəsində aparılan təmir-yenidənqurma işlərindən sonra ucaldılan yeni abidənin açılışını etməsi gözlənilir. Ardınca prezidentin elə həmin ərazidə Xocalı soyqırımının qurbanlarına həsr edilmiş Xocalı abidəsinin də açılışının edəcəyi söylənilir.
Daha sonra ölkə başçısının Sumqayıtın 5-ci mikrorayonunda tikilib başa çatdırılan Gənclər Evinin açılışını etməsi güman edilir.

Xeberle.com