Bu gün  Səməd Vurğun adına  Mərkəzi  kitabxananın təşkilatçılığı ilə  "Qadın  Təşəbbüsü  və  Sosial  Problemlərin  Həllinə  Yardım”  İctimai  Birliyində "Milli-mənəvi dəyərlər – zənginliyə  aparan yoldur”  adlı  diskussiya  keçirilib.  Tədbirdə Birliyin  sədri  Zemfira Mustafayeva , psixoloq   Samirə İsmayılova  çıxış  edərək milli-mənəvi  dəyərlərimiz  haqqında  iştirakçıları  geniş  məlumatlandırıblar  və vurğulayıblar  ki, xalqımızın mənəvi dünyasını zənginləşdirən, tariximizi və mədəniyyətimizi ucaldan, birliyimizi təmin edən milli-mənəvi dəyərləri qoruyub saxlamaq hər birimizin müqəddəs borcudur.  
Sonra  "Milli - mənəvi  dəyərlər dedikdə  nə  başa düşürsünüz?, "Milli-mənəvi  dəyərlərin  qorunması  üçün  nə  edirsiniz?”,”Milli-mənəvi  dəyərlərin  qorunması  və  təbliğinin  əhəmiyyəti  nədən  ibarətdir?” və s. kimi  suallar  ətrafında  maraqlı  müzakirələr  aparılıb.  
Psixoloq  S. İsmayılova  iştirakçıları maraqlandıran sualları da cavablandırıb.     
Sonda  Abonement  şöbəsinin müdiri    Zemfira Mirzəyeva bütün  iştirakçılara öz  təşəkkürünü  bildirib  və  qeyd edib ki,  ki, milli-mənəvi  dəyərlər  hər bir şəxsin  qürur  mənbəyi  olmalıdır.
Xeberle.com