Dekabrın 10-da Sumqayıt şəhər Q.Qarayev adına 1 saylı uşaq musiqi məktəbində hərbi diviziya generalı Cəmşid Naxçıvanskinin 120 illik yubileyinə həsr olunmuş tədbir keçirilib. Mədəniyyət və Turizm idarəsinin mətbuat xidmətindən xeberle.com-a verilən məlumata görə,12 saylı uşaq kitabxanası ilə birgə hazırlanmış tədbirdə Cəmşid Naxçıvanskinin həyat fəaliyyətini əks etdirən kitablardan ibarət sərgi nümayiş olunub. Tədbirdə generalın keçdiyi şərəfli həyat yolu haqqında dolğun məlumat verilib, şeirlər söylənilib, məktəbin xalq çalğı alətləri şöbəsinin və xanəndəlik sinfinin şagirdləri tərəfindən maraqlı ifalar səsləndirilib.