Kinoaktyor Ruslan Sabirli Azərbaycanda ilk Buktreyler Festivalı keçirməyi planlaşdırır. Festivalın məqsədi kitab və mütaliənin cəmiyyətimizdə təbliği, mütaliəyə münasibətin yaradıcı formalarının inkişafı və dəstəklənməsi, kino sahəsində istedadlı və yaradıcı gənclərin üzə çıxarılması, həmçinin buktreylerlərin incəsənət və biznesdə bir istiqamət kimi inkişafına yardım etməkdir. R.Sabirli bununla bağlı Xeberle.com portalına görəcəyi işlərdən danışıb: "Buktreyler Festivalının mütəmadi olaraq ildə bir dəfə olmaqla hər il keçirilməsi nəzərdə tutulur. Festivala təqdim olunan filmlər internet və sosial şəbəkələrdə yerləşdiriləcəkdir. Filmlər Təşkilat komitəsi tərəfindən baxılaraq qısa siyahıyı seçiləcəkdir və Festival günü geniş ekranda nümayiş ediləcəkdir. Qaliblər Münsiflər Heyəti tərəfindən müəyyən olunacaqdır. Münsiflər Heyətinin tərkibinə Festivalın məzmununa uyğun sahələrdə nüfuzlu peşəkarlar daxil olacaqdır, hələlik onların adları Festivalın obyektivliyi səbəbindən açıqlanmır». 

Qeyd edək ki, buktreyler – kitabın məzmununu vizuallaşdırmaqla oxucular arasında təbliğinə istiqamətlənmiş, onun ən parlaq və tanınan anlarını özündə əks etdirən video çarx və ya kitabın məzmunundan bəhs edən qısametrajlı filmlərdir. Buktreyleri  ədəbiyyat, kino, reklam və internet texnologiyalarını özündə cəmləşdirən yeni incəsənət növü adlandırmaq olar. Məhs bu səbəbdən, layihənin təsisçiləri Buktreyler Festivalının gənclərin kitab mütaliəsinə cəlb edilməsində, həmçinin kino sahəsində yeni istedadların üzə çıxarılmasında öz vəzifəsini uğurla həyata keçirəcəyinə inanırlar.
Festivalda kinoya və kitaba marağı olan hər bir kəs qoşula bilər. İşlərin son qəbul tarixi 15 Mart, 2016-cı ildir.

Əlaqə vasitələri:

Veb sayt: www.booktrailer.az

Facebook səhifəsi: www.facebook.com/BooktrailerFest

Festivalda iştirak şərtləri və buktreylərə olan tələblərlə bu linkdən tanış olmaq olar:

https://www.facebook.com/notes/book-trailer-festival/boook-trailer-festival-2016/1121468731220217

Yaranmış bütün suallarla bağlı aşağıdakı email vasitəsilə müraciət etmək mümkündür:

E-mail: [email protected]