Teatrımın uğurlarından -Gürcüstanda, Türkiyədə, Bakı Beynəlxalq Festivalında müvəffəqiyyətlə çıxış etməsindən söz açan direktor SDDT-nın bu mövsüm də ənənəsinə sadiq qalacağını bildirib. Bunun üçün yaradıcı və texniki heyətə işində daha məsuliyyətli və əzmlə çalışmaları tapşırılıb. Teatrın baş rejissoru əməkdar artist F.Məhərrəmov cari ilin repertuarının müəyyənləşdirilməsi üçün digər rejissorlar - əməkdar artist Namis Şirməmmədov, Vasif Məmmədov ilə fikir mübadiləsi aparıb.
Yeni mövsümdə Hüseyn Cavid yaradıcılığından, Polyak drammaturgiyasından  əsərlərə müraciət olunması qərara alınıb. Həmçinin T.Özakmanın " Ocaq” əsəri də siyahıya əlavə olunub. Təbii ki, azyaşlı tamaşaçı kütləsi nəzərə alınaraq Abdulla Şaiq "Tülkü həccə gedir”, Q.Xuqayev "Bir köpək vardı” və s kimi uşaq tamaşaları repertuara daxil edilib. Adları qeyd olunan və plandan kənar tamaşalar Bədii Şurada müzakirəyə verildikdən sonra hazırlanacaq.
Hazırlanan tamaşalar Sumqayıt şəhər İcra Hakimiyyəti tərəfindən əsaslı təmir olunan, ən müasir tələblərə cavab verən yeni teatr ocağında teatrsevərlərə təqdim olunacaq.

Xəbərdən istifadə edərkən istinad etmək vacibdir.