Sumqayıtın Tarixi Muzeyində baş
tutan müşavirə Sumqayıt şəhərinin 70 illiyinə həsr olunub.
Sumqayıt Regional Mədəniyyət
İdarəsinin rəisi Mehman Şükürov müşavirəni açaraq şəhərin 70 illik yubileyi
münasibətilə keçiriləcək Mədəniyyət festivalı haqqında məlumat verib.
İdarə rəisi çıxışında festivalda
iştirak edəcək kollektivlərin müəyyən olunması, bölgələrdən olan kollektivlərin
iştirakı, qonaqların dəvəti, nümayiş olunacaq kitab və rəsm sərgiləri, regionalrın
folklor və mətbəx nümunələrinin təqdimatı, konsert proqramlarının təşkili və s.
haqqında fikirlərini bildirib, tapşırıqlarını verib.
Müşavirədə həmçinin, qeyd olundu ki, Sumqayıtın 70 illik
yubileyi ilə bağlı keçirilən "Sumqayıta
həsr olunmuş ən yaxşı şeir” və "Sumqayıta həsr olunmuş ən yaxşı mahnı”
müsabiqələri artıq başa çatıb.
Bununla bağlı yekun tədbir
keçiriləcək və müəyyən olunmuş nominasiyalar
üzrə qaliblər mükafatlandırılacaq.
Sonda cari məsələlər
müzakirə olunub, tapşırıqlar verilib.
Xəbərdən istifadə edərkən istinad etmək vacibdir.
