Sumqayıt Dövlət Dram Teatrında şəhər Bülbül adına 2 nömrəli uşaq incəsənət məktəbinin 50 illik yubileyi qeyd olunub. Bayram tədbirində Milli Məclisin deputatları Hicran Hüseynova, Müşfiq Məmmədli, Sumqayıt Şəhər İcra Hakimiyyəti başçısının müavini Teymur Səmədov, Sumqayıt Regional Mədəniyyət İdarəsinin rəisi Rəşad Əliyev, müəssisə və təşkilat rəhbərləri, ictimaiyyət nümayəndələri, tanınmış mədəniyyət və incəsənət xadimləri iştirak ediblər.
Xeberle.com xəbər verir ki, iştirakçılar teatrın foyesində təşkil olunan məktəbin şagirdlərinin əl işlərindən ibarət sərgi ilə tanış olublar.
Sumqayıt Şəhər İcra Hakimiyyəti başçısının birinci müavini Teymur Səmədov və idarə rəisi Rəşad Əliyev çıxışlarında məktəbin bu illər ərzində qazandığı nailiyyətlərdən bəhs ediblər.
Məktəbin bir qrup müəllimi Sumqayıt Şəhər İcra Hakimiyyəti və Sumqayıt şəhər Regional Mədəniyyət İdarəsinin fəxri fərmanları ilə təltif olunub.
Daha sonra tədbir konsert proqramı ilə davam edib.
Xəbərdən istifadə edərkən istinad etmək vacibdir.
