Sumqayıt Dövlət Dram Teatrı da yeni təqvim ilinə yeni planlarla başlayıb.
Xeberle.com medeniyyet.az-a istinadən xəbər verir ki, Nizami Gəncəvinin 880 illiyi çərçivəsində Mədəniyyət Nazirliyinin sifarişi ilə mütəfəkkir şairin əsərlərinin motivləri əsasında Hafiz Ataxanlının yazdığı "Xəzinə” pyesinin məşqlərinə başlanılıb. Didaktik nəsihət tamaşasına teatrın baş rejissoru, Xalq artisti Firudin Məhərrəmov quruluş verir. Səhnə əsərinin fevral ayında təhvil verilməsi nəzərdə tutulur.
Əməkdar artist Namis Şirməmmədovun pandemiyadan öncə quruluş verdiyi Üzeyir Hacıbəylinin "O olmasın, bu olsun” komediyasının məşqləri bitmək üzrədir. R.Ağayevin "Bir gecənin nağılı” lirik-psixoloji dramına (rejissor – Gülnar Hacıyeva) da səhnə həyatının verilməsi gözlənilir.
Xəbərdən istifadə edərkən istinad etmək vacibdir.
