Sumqayıt Regional Mədəniyyət İdarəsinə tabe olan Mərkəzi Uşaq Kitabxanasında 18 nömrəli tam orta məktəbin 5-ci sinif şagirdlərinin iştirakı ilə Azərbaycan Respublikası Prezidenti İlham Əliyevin 2022- ci ilin "Şuşa ili” elan olunması haqqında imzaladığı sərəncama əsasən tədbir keçirilib.
Xeberle.com xəbər verir ki, toplantıda MUK-nın əməkdaşı Şuşa şəhərinin zəngin tarixi keçmişi, təbii gözəllikləri, coğrafi mövqeyi, görkəmli xadimləri, sənət adamları haqqında qısa məlumat verib. 18 nömrəli məktəbin kitabxana müdiri Rəfiqə Cavadova bu gün şəhərin əsl tarixi simasının bərpası üçün gerçəkləşdirilən nəhəng layihələr: böyük şair Molla Pənah Vaqifin büstünün və muzey-məqbərə kompleksinin öz ilkin görkəminə qaytarılması, Bülbülün ev-muzeyinin və Üzeyir Hacıbəylinin heykəlinin açılışları, habelə buradakı tarixi, dini və memarlıq abidələrinin bərpası işləri haqqında məlumat verib.
Tədbir uşaqların ifasında Xalq şairi Rəsul Rzanın "Şuşam mənim” şeiri əsasında hazırlanmış ədəbi-bədii kompozisiya ilə davam etdirilib.
Xəbərdən istifadə edərkən istinad etmək vacibdir.
