Fevralın 4-də Sumqayıt Regional Mədəniyyət İdarəsinə tabe olan Q.Qarayev adına 1 nömrəli uşaq musiqi məktəbində dahi bəstəkar Q.Qarayevin yaradıcılığına həsr olunan tədbir keçirilib. Tədbirdə dünya musiqi aləmində tanınan "Yeddi gözəl”, "İldırımlı yollarla” baletindən musiqi nömrələri ifa olunub. Bəstəkarın yaradıcılığından fortepiano üçün yazılan "24 prelüd” silsiləsindən nümunələr, fortepiano üçün pyeslər, "Bir məhəlləli iki oğlan” və "Dənizi fəth edənlər” kino filmlərindən mahnılar səsləndirilib.
Tədbirdə fortepiano şöbəsinin müəllimləri Tamilla Qasımova, Sevda Ələkbərli, Esmira Əliyeva, İlahə Səfərova, Nailə Quliyeva, Lətafət İbrahimova, violin şöbəsindən Fəridə Həsənova, Zəminə Əsədova, Yaşar Nurməmmədov, xalq çalğı alətrəi şöbəsindən Anar Şamilzadə, Bənövşə İbrahimova, Faiq Cəfərovun şagirdləri bəstəkarın əsərlərini ifa ediblər.
Xəbərdən istifadə edərkən istinad etmək vacibdir.
