Fevralın 4-də Sumqayıt Regional Mədəniyyət İdarəsinə tabe olan Sumqayıt Mərkəzləşdirilmiş Kitabxana sisteminin Mərkəzi Uşaq Kitabxanasında "Elm və texnologiya ili” ilə əlaqədar "Elm xadimlərimizi tanıdaq” layihəsi çərçivəsində ensiklopedik zəka sahibi, görkəmli alim və mütəfəkkir Xacə Nəsirəddin Tusinin həyat və yaradıcılığına həsr edilən "Dahi alim Nəsirəddin Tusi” adlı oxucu konfransı keçirilib. Tədbirdə "N.Tusinin "Əxlaqi-nasir” əsərində uşaq tərbiyəsinə verilən dəyərlərin təsviri, "Elm qarşısında N.Tusinin xidmətləri”, görkəmli mütəfəkkirin hikmətli sözlərindən ibarət "Nəsihətlər çələngi” mövzusunda məruzələrlə çıxışlar edilib. Sonda 12 nömrəli tam orta məktəbin tarix müəlliməsi Gülnar Nəsirova N.Tusinin dövlətçilik tarixi ilə bağlı ilk fikir söyləyən elm xadimi kimi fəaliyyəti haqqında məlumat verib.
Konfransda Marağa rəsədxanası və alimin elmə gətirdiyi yeniliklərdən ibarət videoçarx nümayiş etdirilib.
Xəbərdən istifadə edərkən istinad etmək vacibdir.
