Abşeron rayonu, Ceyranbatan qəsəbəsi, yeni yaşayış massivinin sakinləri yollarının bərbad vəziyyətdə olmasından şikayətlənirlər. Ən çox əziyyət çəkənlər isə övladlarını məktəbə aparan valideynlərdir.
Yolun bu vəziyyətdə olması sürücülərə də çətinliklər yaradır, avtomobillərin ehtiyat hissələrini sıradan çıxarır. Ceyranbatan bələdiyyəsinin yolun vəziyyətindən də, sakinlərin giley-güzarından da xəbəri var. Deyilənə görə, yolun bu vəziyyətə düşməsi diqqətsizliyin nəticəsi deyil. Bələdiyyə sədri onu da bildirdi ki, yaxın günlərdə həmin ərazidə su-kanalizasiya xətti çəkiləcək və sonradan asfaltlanacaq. Sakinlərə isə aidiyyatı qurumun verdiyi bu vədi reallaşdıracağı günü gözləmək qalır.
Xəbərdən istifadə edərkən istinad etmək vacibdir.
