Qusar rayonunun Xürel kənd sakinləri Əsgərova Sveta Arif qızı və azyaşlı övladı Əsgərova Əminə Elmar qızı itkin düşüblər.
Qusar Rayon Polis Şöbəsindən AZƏRTAC-ın bölgə müxbirinə verilən məlumata görə, bu barədə polisə S.Əsgərovanın həyat yoldaşı Elmar Əsgərov ərizə ilə müraciət edib.
Qusar rayon Mərkəzi Xəstəxanasının psixo-nevroloji dispanserində qeydiyyatda olan 1988-ci il təvəllüdlü Sveta Əskərova və 7 yaşlı qızı iyunun 7-də evdən naməlum istiqamətdə gedərək bir daha geri qayıtmayıblar.
Aparılan əməliyyat-axtarış tədbirlərinə baxmayaraq, itkin düşən şəxslərin yerini müəyyənləşdirmək mümkün olmayıb.
İtkin düşmüş şəxlər barədə hər hansı bir məlumatı olanlardan hüquq mühafizə orqanlarına müraciət etmələri xahiş olunur.

Xəbərdən istifadə edərkən istinad etmək vacibdir.