Şəkidə 10 yaşlı uşağı qonaq getdiyi yerdə ilan sancıb. APA-nın Şəki-Zaqatala bürosunun məlumatına görə, iyulun 12-si axşam saat  22 radələrində rayonun Cəyirli kənd sakini, 2008-ci il təvəllüdlü Dinar Rauf qızı Məmmədova ilan sancması xəsarəti ilə Şəki Mərkəzi Rayon Xəstəxanasına (MRX) daxil olub.

Xeberle.com MRX-dan Apa-ya bildirilən məlumata istinadən xəbər verir ki, müayinə zamanı 10 yaşlı Dinar Məmmədovanı qonaq getdiyi yerdə ilan sancması məlum olub. Dinar Məmmədova ayaqyoluna gedən zaman bilmədən ilanın üstünə basıb. Bu zaman ilan onun sol ayağın topuq nahiyəsindən sancıb. Müalicəsi xəstəxananın reanimasiya şöbəsində aparılan Dinar Məmmədovaya lazımi tibbi yardım göstərilib, ilan zəhəri əleyhinə qarşı zərdab vurulub.