Psixiatriya Xəstəxanasında müalicə alan xəstə dünyasını dəyişib.
Xeberle.com-un məlumatına görə, hadisə Salyan Psixiatriya Xəstəxanasında baş verib. Belə ki, sözügedən xəstəxanada müalicə alan Sumqayıt şəhər sakini 1957-ci il təvəllüdlü Qədimalıyeva Gülüm Fərman qızı orada ölüb. Onun meyiti Sumqayıta gətirilib və müayinə zamanı bədənində xəsarət izlərinin aşkarlandığı bildirilir. G. Qədimalıyevanın Salyan Psixiatriya Xəstəxanasında döyüldüyü ehtimal olunur.
Müayinədən sonra mərhumun meyidi Sumqayıt şəhərində ailəsinə təhvil verilib.
Faktla bağlı araşdırma aparılır.
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
