Havalar dəyişdikcə insanlarda soyuqdəymə, qrip halları artır. Onu da unuduruq ki, soyuqdan qaçıb isti bir otaqda gizlənmək infeksiyaların inkişafına səbəb olur.
Bu fəsil özü ilə birlikdə xəstəliklərini də gətirir. Payıza keçid dövründə insanlarda qrip, borinxit və soyuqdəymə müşahidə edilir. Bu keçid dövründən xəstələnmədən keçərək, qışda daha sağlam olmağın yolu isə, sağlam qidalanmadır. Çünki diqqətli və düzgün qidalanma immunitet sistemini gücləndirir və xəstəlik ehtimalını azaldır. Eyni zamanda, mövcud xəstəliklərin sağalma sürətini artırır.
Son zamanlarda həkimlərin və tədqiqatçıların əksəriyyəti D vitamininin əhəmiyyəti barədə daha çox danışırlar. Bəs insanlar D vitamini qəbul etmək üçün hansı qidalara üstünlük verməlidir?
Mövzu ilə bağlı "Doktor.az” klinikasının həkim-terapevti Lalə İbadova ilə həmsöhbət olduq. Həkim Xeberle.com-a açıqlamasında deyib ki, D vitaminin çatışmamazlığı zamanı orqanizmdə halsızlıq yaranır:
"D vitamini yağda həll olan vitamindir. Orqanizmdə immun sisteminin və sümük əzələ sisteminin sağlamlığı baxımından çox vacibdir. D vitaminin çatışmamazlığı zamanı orqanizmdə halsızlıq, depressiya, yorğunluq, həddən çox tərləmə və bütün bədəndə ağrılar, metobalizmanın zəifləməsi (çəki verə billməmək) kimi şikayətlər yaranır. Mən hər zaman pasiyentlərimə düzgün qidalanmanı məsləhət görürəm. Payız fəsli ilə əlaqəli olaraq D vitaminin təməl qaynağı olan günəş şüalarını az gördüyümüzdən D vitamini ilə zəngin qidalarla bəslənməliyik. Bura daxildir: ton balığı, yumurtanın sarısı, pendir, kefil, yoqurt, badam, mərcimək kimi qidalar. Almanı daha çox dəmir qaynağı kimi bilsək də D vitamini də onun tərkibində olur. Banan tək A vitamini ilə zəngin deyil, tərkibində D vitamini də var. Qidalanma ilə yanaşı qanda D vitaminin analizi olmaldır. Ona uyğun da dərman təyinatı müəyyən edilməlidir. Özbaşına D vitaminin qəbulu məsləhət deyil. Çünki doza həddinin aşılması zəhərlənmələrə yola açıla bilər”.
Elşən Yəhyayev
Xəbərdən istifadə edərkən istinad etmək vacibdir.
