Hər il olduğu kimi, bu il də  fəsillər dəyişdiyi ərəfədə qrip epidemiyası, yuxarı tənəffüs yollarının xəstəlikləri  sürətlə yayılmağa başlayıb. Əsasən bu epidemiyalar uşaqlara və yaşlı nəslə daha çox təsir edir və uzunmüddətli olur. Lakin onu da qeyd edək ki, bu ilin qrip epidemiyası keçən illərə nisbətən yüngül ötüşəcəyi ehtimal edilir  Bu epidemiya nə vaxt, nə zaman orqanizmə yoluxur?

Sizə bu xəstəliklərdən qorunma yollarını təqdim edirik:

Fəsil dəyişən zaman immun sistemi güclü olmalıdır ki, hava, damcı yolu ilə keçən infeksiyalara orqanizm yoluxmasın. Yaydan çıxmış orqanizmin viruslara qarşı müqaviməti aşağı olduqda tez xəstələnir və bu uzun müddət davam edir. Ona görə də hər fəsil dəyişən zaman orqanizmin güclü olması üçün gün ərzində 2 litrə qədər su içmək lazımdır. Çünki orqanizmdə su ehtiyatı azaldıqca bağırsaqda mikroblar artır və bu da orqanizmin zəifləməsinə səbəb yaradır.

1.      Daim qida rasionunda meyvə-tərəvəzə yer ayırmaq lazımdır:

2.     Hər səhər 1 stəkan suya 1ç.q limon suyu və bal qatıb mütamadi içmək məsləhətdir. Yaxud limon suyu əvəzinə, 1ç.q alma sirkəsi qata bilərsiniz. 

3.     Hər səhər 1 ç.q tut bəhməzi içmək;

4.     Zəncəfil, darçın, mixək dəmləməsi çayı içmək;

5.     Soğan qabığı soyulur, 2 yerə bölünür, arasına xalis bal qoyulur. Suyu çıxdıqda hər gün 1 ç.q içilir. Bunu sarımsağa da etmək olar.

6.     Ağ, yaxud qara turp 2 yerə bölünür, içinə xalis bal qoyulur. Suyu çıxana kimi gündə 1 q. içilir.

7.     Uzunsov balqabaq götürülür, ağzı qapaq kimi kəsilir, içinin tumu əllə çıxarılır, içinə 1 stəkan bal tökülür və kəsilən qapağı da ağızına qoyulur. Bal dağılmasın deyə, düz saxlayaraq 3-4 gün soyuq yerdə saxlanılır. Bal balqabağın suyu ilə qarışaraq duru maye halında olur. Onu bir şüşə qaba boşaldaraq soyuducuda saxlamaq lazımdır. Hər gün acqarnına 1ç.q içilir.

Bu reseptlər immun sistemnini gücləndirəcək. Həmçinin öskürək ya qripə yoluxan zaman da içmək müsbət təsir edəcək. 

Yox artıq xəstəliyə tutulmusunuzsa, o zaman çıxış yolu:

1.     Cökə çiçəyinin dəmləməsi qrip üçün faydalıdır.

2.     Gülxətmi çiçəyinin dəmləməsi ya siropunu içə bilərsiniz bəlğəmli öskürək üçün faydalıdır.

3.     Biyan kökü dəmləməsi ya siropunu quru öskürəyə xeyirlidir.

4.     Hər səhər süddə herkules bişirib yemək bəlğəmli öskürəyi aradan qaldırır.

5.     Keçi piyi isidilib yumuşaldılır, üzərinə eyni miqdarda təbii sarıkök əlavə olunur (təbii antibiotic sayılır) qarışdırılır əldə noxud boyda 7 ədəd yumurulanır öskürən adama hər 5 dəqiqədən bir içirilir.

6.     İtburnu, qarağat, heyva yarpağı soyuqlanmış və qızdırmış adama effektli təsir edir.

7.     Bişmiş heyva öskürəyə çox xeyirlidir.(atv.az)