Prezident İlham Əliyevin əhalinin tibbi müayinədən keçirilməsi ilə bağlı verdiyi tapşırığa əsasən, respublikamızın hər yerində olduğu kimi, Sumqayıt şəhərində də tədbirlər planına uyğun olaraq fevralın 15-dən əhalinin ümumi tibbi-profilaktik müayinəsi aparılır.

Sumqayıt şəhər Səhiyyə Şöbəsindən bildirilib ki, müayinələr şəhərdə fəaliyyət göstərən 9 tibb müəssisəsində aparılır. Səhiyyə ocaqlarında əhalinin tibbi-profilaktik müayinədən keçirilməsi üçün lazımi şərait yaradılıb.

Profilaktik tibbi müayinələr üçün müraciət edən hər bir sakin qeydiyyatdan və ilkin müayinədən keçirilir, zərurət yarandıqda şəhərin baş mütəxəssisləri ilə konsultasiya olunurlar.

İki həftə ərzində 51443 nəfər qeydiyyata götürülüb, 2703 nəfərə ambulator müalicə təyin olunub, 196 nəfər isə stasionar müəssisələrə göndərilib.

Sakinlər yaradılan şəraitə görə dövlətimizin başçına minnətdarlıqlarını bildirirlər.