Bildirçin yumurtası faydalarına görə bir çox insan tərəfindən sıx-sıx istifadə olunur. Öskürək və asma xəstəliklərinin müalicəsində istifadə olunan bildirçin yumurtası, uşaqlarda iştah açıcı qida kimi istifadə olunur. Bəs bu yumurtanın başqa hansı faydaları var?
Vitamin və minerallarla zəngin bu yumurta, insanı daha uzun müddət gənc saxlayır və enerji verir. Dadları çox yaxın olsa da toyuq yumurtasına nəzərən dəmir və fosforla daha zəngindir.
Proteinin xammaddəsi hesab olunan amin turşusunun ən çox olduğu yumurta növü bildirçin yumurtasıdır. Bu da, uşaqların immunitet sistemini gücləndirir, qrip və bronxit kimi tənəffüs yolu xəstəliklərinin daha tez müalicəsinə kömək edir. Bildirçin yumurtasının ən ideal istifadə forması isə az qaynadılmış halda olanıdır. Çiy qəbul edilməsi tövsiyyə olunmur.
Ən bilinməyən faydaları isə qanazlığına və əməliyyat sonrası xəstələrin tez sağalmasına faydalı olmasıdır.(yeniavaz.com)
Xəbərdən istifadə edərkən istinad etmək vacibdir.
