Sumqayıt rayonlararası Narkoloji Dispanserindən Xeberle.com-a bildirilib ki, 2020-ci ilin 11 ayı ərzində narkoloji xəstələrin sayı 4273 nəfər təşkil edib. Onlardan 90 nəfəri qadındır.

Narkomanların sayına gəldikdə isə bu rəqəm 2316 nəfərdir. Narkomanlardan isə 67 nəfəri zərif cinsin nümayəndəsidir. 

Bu ilin 11 ayı ərzində isə yeni qeydiyyata düşənlərin sayı 212 nəfərdir ki, onların da 169-u narkomandır.

Bu 169 nəfərin əksəriyyəti cinayət məsuliyyətinə görə məcburi qeydiyyata alınan xəstələrdir.

Narkoloji xəstələrin və narkomanların əksəriyyəti 18-39 yaş arasındadır.

Xədicə Səxavətqızı

Xeberle.com