Sumqayıt şəhərində 2021-ci ilin aprelin 1-dən icbari tibbi sığorta tətbiq olunandan 2022-ci ilin aprelin 1-dək olan müddətdə 1794 nəfər şəhər əhalisinə icbari tibbi sığorta çərçivəsində özəl tibb müəssisələrində xidmət göstərilib.
Sumqayıt Tibb Mərkəzi tərəfindən verilən göndərişlər əsasında İcbari Tibbi Sığorta üzrə Dövlət Agentliyi ilə müqaviləsi olan özəl tibb müəssisələrində müayinə və əməliyyatlar həyata keçirilib.
Onlardan 685 nəfərə MRT(Maqnit Rezonans Tomoqrafiya), 594 nəfər angioqrafiya, 33 nəfərə EMQ (Elektromioqrafiya), 7 nəfərə elastrometriya (Qaraciyərin ultrasəs müayinəsi), 7 nəfərə Beratest (Eşitmə müayinəsi) müayinəsindən, 7 nəfər isə ilkin dializ prosedurundan keçmək üçün göndəriş verilib.
Eləcə də İcbari Tibbi Sığorta üzrə Dövlət Agentliyinin yaratdığı imkanlar hesabına 82 nəfər Aorta-koronar şuntlama (Açıq ürək əməliyyatı), 59 nəfər stentləşmə, 122 nəfər böyrək, 100 nəfər göz, 8 nəfər beyin, 56 nəfər bel-oma, 17 nəfər diz və 17 nəfər anadangəlmə ürək qüsurundan (uşaqlarda Fallo tetradası) cərrahi əməliyyat olunub.
Xəbərdən istifadə edərkən istinad etmək vacibdir.
