Noyabrın 8-də Azərbaycanın Braziliyadakı Səfirliyi tərəfindən Zəfər Günün üçüncü ildönümünə həsr olunmuş ziyafət təşkil edilmişdir.
Xeberle.com xəbər verir ki, qürurverici odur ki, tədbirdə Braziliyanın Hərbi Hava Qüvvələrinin orkestri iştirak edib, Azərbaycanın dövlət himnini qüsursuz ifa edib. Bu, artıq bir il ərzində ikinci dəfədir ki, Braziliyanın silahlı qüvvələrinə məxsus orkestrlər rəsmi ziyafətlərimizdə Azərbaycanın dövlət himnini ifa edib.
Tədbirdə çıxış edən Azərbaycanın Braziliyadakı səfiri Rəşad Novruz qeyd edib ki, 30 ildən çox davam etmiş həsrətdən sonra Azərbaycanın silahlı qüvvələrinin təntənəli paradı Xankəndi şəhərində keçirilib, paradın başında Ali Baş komandan, cənab Prezident İlham Əliyev durub və paradı şəxsən o qəbul edib. Səfir vurğulayıb ki, 30 il ərzində hərbi təcavüzə, işğala, etnik təmizləməyə məruz qaldığına, bir milyondan çox azərbaycanlı köklü əhalinin Ermənistandan, Qarabağdan və ətraf rayonlardan məcburi köçkünə və qaçqına çevrildiyinə, işğalın nəticəsində ölkəmizin böyük ərazisinin tamamilə dağıldığına, onun sərvətlərinin talan edildiyinə baxmayaraq, Azərbaycan həmişə olduğu kimi indi də sülh və barışıq mesajını təkrarlayır. Vurğulanıb ki, ölkəmiz həm qonşuları ilə, həm də onun hüdudlarından kənarda fəal şəkildə strateji körpülər qurur. Bu gün Azərbaycan sülh mesajı verir və bu hamı tərəfdən dərk edilməlidir. Çıxışda həmçinin bildirdi ki, ölkəmiz regionda sabitlik və əməkdaşlığa xidmət edəcək yeni təşəbbüslər irəli sürür. Bunun, mövcud geosiyasi çağırışlar fonunda xüsusi əhəmiyyəti qeyd edilib. Qonşular və qonşuların qonşuları ilə dinc, dost və qarşılıqlı faydalı münasibətlərin qurulması vacibdir və bu, Azərbaycanın xarici siyasətinin bünövrəsini təşkil edir. Və Azərbaycanın belə siyasəti ölkələrlə münasibətlərində mütləq praqmatizmə və suverenliyə əsaslanır.
Azərbaycan Səfirliyində keçirilən ziyafətdə Braziliyanın federal və ştat səviyyəli hökumət rəsmiləri, Federal Konqresin üzvləri, diplomatik korpusun nümayəndələri, tələbələr, musiqiçilər, Azərbaycanın Braziliyadakı dostları iştirak ediblər.
Qeyd edək ki, Azərbaycan ilə Braziliya arasında diplomatik münasibətlərin 30 illiyinin qeyd edilməsi üçün bir həftə bundan öncə Milli Məclisin üzvü, Azərbaycan - Braziliya Dostluq qrupunu sədri, millət vəkili Müşviq Məmmədli Braziliyaya səfər edib və bir sıra vacib görüşlər keçirmiş
Xəbərdən istifadə edərkən istinad etmək vacibdir.
