ABŞ İranın ballistik raket sınaqlarını BMT-in sanksiyalarını pozmaqda ittiham edib.
ABŞ İranı ballistik raketləri sınaqdan keçirməkdə ittiham edib.

ABŞ İranın ballistik raket sınaqlarını BMT-in sanksiyalarını pozmaqda və beynəlxalq öhdəlikləri yerinə yetirməməkdə ittiham edib.

İran hakimiyyəti isə öz növbəsində bu raketin 1.7 min kilometrlik məsafəni müvəffəqiyyətlə uçduğunu bildirib.

ABŞ-ın BMT-dəki səfiri Samanta Pauer deyib ki, onun ölkəsi bu sınaqdan çox narahatlıq hissi keçirir.

ABŞ prezidenti Barak Obama isə Tehranın sonuncu sınaqları ilə əlaqədar narahatlığını belə dilə gətirib: 

"İranla əldə olunan nüvə proqramı razılaşması xüsusi bir razılaşmadır və bu razılaşma İranın nüvə silahına sahib olmayacağını təmin edir. Lakin bu, İranla aramızda ziddiyət təşkil edən çoxsaylı məsələlərin həlli demək deyil. Ona görə də biz beynəlxalq ictimaiyyət və ya ikitərəfli kanallar vasitəsi ilə İrana qarşı təzyiqləri davam etdirəcək və onlara bildirməyə çalışacağıq ki, onlar üçün pis davranışların ağır nəticəsi ola bilər.”


Barak Obama - ABŞ prezidenti


Ekspertlər də hesab edirlər ki, baş verən bu hadisə çətin ki, bu yaxında ABŞ və İran arasında bağlanmış nüvə sazişinə öz mənfi təsirini göstərər. Amma eyni zamanda, bu onu göstərir ki, İranın bu raket sınağı və ABŞ-ın buna qarşı olması, hələ də iki ölkə arasında münasibətlərin soyuq olduğuna bir daha sübutdur.

Amerikalılar iddia edirlər ki, İran ballistik raketlərin sınağı ilə BMT-nin 2010-cu ildəki təhlükəsizlik şurasının qətnaməsini pozur. "Ballistik raketlərin hazırlamalarına Təhlükəsizlik şurasının qadağasını heç kim ləğv etməyib , silah embarqosu da, həmçinin, qüvvədə qalır və biz Təhlükəsizlik şurasının bu addımının nail olmağına davam edəcəyik", - deyə Pauer bildirib.

Bundan başqa, ABŞ administrasiyasının fikrincə, bu sınaq nüvə sazişinin şərtlərini poza bilər.


İranın sınaqdan keçirdiyi ballistik raket


İran parlamenti nüvə proqramı üzrə Tehranla "Altılıq" (ABŞ, Almaniya, Britaniya, Fransa,Rusiya və Çin) ölkələri arasında əldə edilən nüvə sazişi razılaşmasını cari ilin oktyabrın 13-də təsdiqləyib.

İranla "Altılıq" ölkələr arasında nüvə danışıqları hələ iyun ayından başlayıb. Lakin onda razılıqlar əldə olunmayıb. ABŞ əvvəlcə iyunun 30-da, daha sonra iyulun 9-da aparılan danışıqlıqların bir neçə dəfə uzadılmasının normal hal olduğu olduğunu bildirib. Bu zaman İslam Respublikası nüvə proqramı ilə fəaliyyətində geri çəkilib, bunun qarşılığında isə onlara beynəlxalq sanksiyaların ləğvi vəd edilib. Nüvə razılaşması iyulun 14-də Vyanada əldə olunmayıb.
ABŞ Prezidenti Barak Obama deyib ki, bu razılaşma ilə "İran üçün nüvə silahına aparan bütün yollar kəsilib". Onun iranlı həmkarı Həsən Ruhani isə razılaşmanın İranın dünya ilə münasibətlərində "yeni səhifə" açacağını bildirib.


İyul ayında nüvə sazişi məsələsi ilə bağlı baş tutan görüş (ANS PRESS)