Milli təhlükəsizlik sistemində çalışanların hamısı böyük analitiklər, böyük intellektuallar olmalıdır.

Milli təhlükəsizlik sistemində güclü kəşfiyyatçılar və əks-kəşfiyyatçılar olmalıdır.

Milli təhlükəsizlik sistemimiz regional və qlobal təhlükəsizlik konsepsiyalarımızın yaradılmasına rəhbərlik etməlidir.

Milli təhlükəsizlik sistemimiz Azərbaycanın regional və qlobal miqyaslarda informasiya təhlükəsizliyiyinin yaradılması, qorunması və inkişafı perspektivlərini dərindən araşdırmalı və bu sahələrdə mühüm ideoloji və praktiki işlər görməlidir.

Milli təhlükəsizlik sistemimiz iqtisadi təhlükəsizlik konsepsiyamızın yaradılması proseslərini, iqtisadi təhlükəsizliyimizin qorunması yollarını, iqtisadi təhlükəsizliyimizin inkişaf perspektivlərini dərindən araşdırmalı və bu sahələrin ideoloji və praktiki əsaslarının yaranmasında böyük işlər görməlidir.

Milli təhlükəsizlik sistemimiz hərbi təhlükəsizlik konsepsiyamızın və proqramlarımızın yaradılmasında, hərbi təhlükəsizliyimizin qorunmasında və inkişafında mühüm söz sahibi olmalıdır.

Milli təhlükəsizlik sistemimiz ölkəmizdəki iqtisadi və siyasi situasiyanı dərindən təhlil etməlidir, iqtisadi və siyasi situasiyanın kontroldan çıxıb-çıxmaması haqqında daimi təhlillər aparmalıdır.

Milli təhlükəsizlik sistemimiz Azərbaycanın maliyyə təhlükəsizliyi problemlərini dərindən təhlil etməli, maliyyə təhlükəsizliyi sisteminin qurulmasında, qorunmasında və inkişaf etdirilməsində mühüm söz sahibi olmalıdır.

Milli təhlükəsizlik sistemimiz xarici siyasətimizin təhlükəsizliyi problemlərini dərindən araşdırmalı və bu sahədə baş verə biləcək bütün situasiyaları görməlidir.

Milli təhlükəsizlik sistemimiz xarici ölkələrin bizimlə münasibətlərinin milli təhlükəsizliyimizi təhdid edib-etmədiyini dərindən analiz etməlidir.

Milli təhlükəsizlik sistemimiz ölkədə baş verən mühüm hadisələrin hamısı haqqında prezidentə doğru məlumat verməlidir! 

Prof.Dr. Qüdrət İsaqov