Fransanın qalmaqallı "Charlie Hebdo” jurnalı Misirdə qəzaya uğramış A321 sərnişin təyyarəsinə və orada həlak olanlara istehza edən karikatura çap edib.

Rəsmlərin birində parçalanmış təyyarə qalıqları, ölmüş rus vətəndaşları İŞİD döyüşçüsünün başına düşür. Alt yazısında isə belə deyilir: "Rusiya aviasiyası bombardmanı gücləndirdi”.

İkinci karikaturada isə qəza qalıqları arasında qalan quru kəllə deyir: "Yəqin, "Air cocaine” hava şirkəti ilə uçmağa dəyərdi”. Burada rəssam sabiq Fransa prezidenti Sarkozinin kokain qaçaqmalçılığı ilə bağlı adı hallanan qalmaqala istehza edib.(Avropa.info )