Erməni silahlı bölmələri dekabrın 4-nə keçən gecə cəbhənin müxtəlif istiqamətlərində müdafiənin ön xəttində yerləşən mövqelərimizə basqın etməyə cəhd göstəriblər.
Silahlı Qüvvələrimizin bölmələri düşməni qabaqcadan aşkar edərək onun hərəkətinin qarşısını qətiyyətlə alıblar. Erməni tərəfi xeyli sayda itki verərək geri çəkilməyə məcbur edilib. Hazırda onun itkilərinin sayı dəqiqləşdirilir. Ermənistan saytlarının məlumatlarında ən azı bir nəfərin öldüyü deyilirdi.
Azərbaycan Müdafiə Nazirliyi erməni tərəfinin xeyli sayda itki verdiyini bildirdikdən sonra, Ermənistan mətbuatı ölən əsgərin adını açıqlayıb.
ATV.az Tert.am –a istinadən xəbər verir ki, cəbhə xəttinin şimal-şərq istiqamətində "DQR” hərbçisi 1995-ci il təvəllüdlü Erik Edikoviç Qriqoryan aldığı güllə yaralarından keçinib.
Xəbərdən istifadə edərkən istinad etmək vacibdir.
