Münaqişə tərəflərini atəşkəs rejiminə ciddi əməl etməyə və yeni insan ölümlərinə imkan verməmək üçün təmkin nümayiş etdirməyə çağırırıq.

Xəbərə görə, bu barədə MDB Xarici İşlər Nazirləri Şurasının bu gün Moskvada keçirilən iclasında Dağlıq Qarabağ münaqişəsi zonasında vəziyyətin gərginləşməsi ilə əlaqədar qəbul olunan birgə bəyanatda qeyd olunub.

Bəyanatda münaqişə zonasında silahlı toqquşmaların yerli sakinlər də daxil olmaqla, böyük insan itkisinə səbəb olması barədə xəbərlərdən dərin narahatlıq ifadə olunub: "Münaqişə tərəflərini atəşkəs rejiminə ciddi əməl etməyə və yeni insan ölümlərinə imkan verməmək üçün təmkin nümayiş etdirməyə çağırırıq. Mümkün qədər tez bir zamanda vəziyyətin stabilləşməsi üçün bütün tədbirləri görmək və ATƏT-in Minsk qrupu həmsədrləri tərəfindən irəli sürülən prinsiplər əsasında münaqişənin sülh yolu ilə həlli istiqamətində səyləri aktivləşdirmək vacibdir”.(Azvision.az)