Ermənistan parlamentində müdafiə naziri Seyran Ohanyanın iştirakı ilə Azərbaycanın işğal altında olan Dağlıq Qarabağ bölgəsindəki təmas xəttindəki vəziyət müzakirə olunur.
"Report" Ermənistan KİV-inə istinadən xəbər verir ki, görüşü qapalı keçirilir. Məlumata görə, tədbirdə parlamentin sədr müavini Eduard Şamrazanov, məclisin müdafiə, milli təhlükəsizlik və daxili işlər üzrə komissyasının başçısı Koryun Naapetyan, "İrs" Fraksiyasından deputat Tevan Poqosyan, Daşnaksütyun Partiyasının parlamentdəki fraksiyasının başçısı Armen Rustamyan, Ermənistan Milli Konqresinin başçısı Levon Zurbayan, Respublikaçılar Partiyası Fraksiyasının sədri Vaqram Baqdasaryan və başqaları iştirak edir. Qeyd edək ki, mayın 5-də Ermənistan hökuməti qondarma "Dağlıq Qarabağ Respublikası"nın tanınması məsələsini müzakirə edəcək.