Avropa Parlamenti bu gün AB il ilə Türkiyə arasında 3 oktyabr 2005-ci ildə başladılan üzvlük müzakirələrinin müvəqqəti olaraq dondurulmasını nəzərdə tutan qərar layihəsini təsdiqləyib.
Türkiyə mediasının verdiyi məlumata görə, AP-də səkkiz qrupun verdiyi qərar layihəsindən çıxarılan və doqquz maddədən ibarət olan qərar mətni məcburi olmamaqla yanaşı siyasi baxımdan əhəmiyyətli bir sənəddir.
Beləliklə, avropalı parlamentarların səs çoxluğu ilə AB və Türkiyə arasında üzvlük müzakirələri qeyri-müyyən vaxta qədər dondurulub. Buna əsas səbəb kimi Türkiyənin demokratikləşmə müstəvisindən sapması, ölkədə fövqəladə vəziyyətin elan edilməsi, siyasi motivlərlə kütləvi həbslər aparılması, söz və mətbuat azadlığına basqılar göstərilib.
Qeyd edək ki, Türkiyə prezidenti Rəcəb Tayyib Ərdoğan dünənki çıxışında AP-nin istənilən qərarının Türkiyə üçün heç bir əhəmiyyətə malik olmayacağını deyib.(Musavat.com)
Xəbərdən istifadə edərkən istinad etmək vacibdir.
