Türkiyənin 12-ci prezidenti Rəcəb Tayyib Ərdoğanın Azərbaycana səfərinin görüntüləri yayımlanıb.
ANS PRESS-in məlumatına görə, 2 avqust tarixində, axşam saatlarında Azərbaycana gələn Türkiyə prezidenti Heydər Əliyev adına Hava Limanında Azərbaycan baş nazirin birinci müavini Yaqub Eyubov, Azərbaycan xarici işlər nazirinin müavini Xələf Xələfov, Azərbaycanın Türkiyədəki səfiri Faiq Bağırov və Türkiyənin Azərbaycandakı səfiri İsmayıl Alper Coşkun və səfirlik rəsmiləri qarşılayıb.
Daha sonra qalacağı otelə gedən Ərdoğan burada da xüsusi olaraq qarşılanıb.
3 avqust tarixində isə R.T. Ərdoğanın şərəfinə rəsmi qarşılanma mərasimi keçirilib. Azərbaycan prezidenti İlham Əliyev Türkiyə prezidentinə azərbaycanlı nazirləri təqdim edib. Ərdoğanın nazirlərlə səmimi salamlaşması diqqətdən qaçmayıb.
Daha sonra isə Türkiyə prezidenti İlham Əliyevə türkiyəli nazirləri təqdim edib. Ölkə başçısı qonaqlarla salamlaşdıqdan sonra tanışlıq mərasimi yekunlaşıb. Sonra prezidentlərin təkbətək görüşü və geniştərkibli görüşlər baş tutub.
Ərdoğanın Azərbaycan səfərindən videoları sizə təqdim edirik:
Xəbərdən istifadə edərkən istinad etmək vacibdir.
