Vaşinqton Rusiyanın Mərkəzi Asiyada təsirini artırması ucbatından bu bölgədəki mövqelərini itirir.
Axar.az xəbər verir ki, bu barədə informasiya Avropa Parlamentinin Tədqiqatlar Mərkəzinin hesabatında yer alıb.
"ABŞ-ın Mərkəzi Asiyada hərbi mövcudluğunun zəifləməsi qismən Vaşinqtonun Əfqanıstandakı əməliyyatlarının miqyasını azaltması ilə bağlıdır. Əsas səbəb isə regionun Rusiya təsir zonasına qayıtmasıdır. Qazaxıstan, Qırğızıstan və Tacikistan Rusiyanın hərbi müttəfiqləridir. Moskva həmçinin 2014-cü ildə Bişkeki Manas aviabazasının yenidən ABŞ-a icarə verilməməsi gərəkdiyinə inandıra bilib. ABŞ həmçinin Əfqanıstana Rusiya üzərindən silah tranziti imkanlarını itirib. 2008-ci ildə Vaşinqtona verdiyi bu tranzit koridorunu Rusiya Baş naziri Dmitri Medvedyev 2015-ci ildə bağlayıb”, – deyə hesabatda qeyd olunub.

Xəbərdən istifadə edərkən istinad etmək vacibdir.