Nəqliyyat, Rabitə və Yüksək Texnologiyalar Nazirliyinin tabeliyindəki "Yüksək Texnologiyalar Parkı” və Gürcüstanın İnnovasiya və Texnologiya Agentliyi arasında Anlaşma Memorandumu imzalanıb.
Nazirlikdən Xeberle.com-a verilən məlumata görə, anlaşma Memorandumunun məqsədi müəssisələr arasında əməkdaşlığın daha da genişləndirilməsi, iki ölkə startaplarının, innovatorların fəaliyyətinə dəstək və beynəlxalq arenaya çıxışına köməklik göstərməkdir.
Eyni zamanda, memorandum biznes forum, təlim və görüşlərin təşkilini, elm müəssisələri arasında və əqli mülkiyyət sahəsində əməkdaşlığı, innovasiya, texnologiya, elmi-tədqiqatların nəticələrinin kommersiyalaşdırılması üzrə təcrübə mübadiləsini ehtiva edir.
Memorandum Bakıda keçirilən "Bakutel - 2017” beynəlxalq telekommunikasiya və informasiya texnologiyaları sərgisi çərçivəsində imzalanıb.

Xəbərdən istifadə edərkən istinad etmək vacibdir.