Rusiyanın infrastruktur obyektlərinə hücumu minlərlə qurbana səbəb olacaq.
Bunu "Teleqraf” qəzetinə müsahibəsində Britaniya Müdafiə naziri Gevin Uilyamson söyləyib. Onun sözlərinə görə, Moskva Britaniyanın infrastruktur və energetika obyektlərinin zəif mühafizə olunan yerlərini öyrənir:
"Bununla bərabər, Britaniyanın Avropayla enerji təminatı yolları da tədqiq edilir. Bunun yekun hədəfi isə panika və xaos yaratmaqdır. Kreml istənilən ölkənin qəbul etmədiyi hər şeyi edə bilər”.
Qeyd edək ki, bundan öncə Britaniya Baş Qərargah rəisi Nik Karter Rusiya ilə bağlı xəbərdarlıq yaymışdı. O, Moskvanın Qərbə qarşı hücuma gözlənilən vaxtdan daha tez keçə biləcəyini söyləmişdi.(Axar.az)

Xəbərdən istifadə edərkən istinad etmək vacibdir.