ABŞ-da keçirilən məhkəmə prosesində barəsində səsləndirilən ittihamlarla razılaşaraq məhkəmə ilə əməkdaşlığa razı olduğunu bildirən azərbaycanlı milyarder Rza Zərrabın hara köçürüldüyü aydınlaşıb.
Bu barədə "Hürriyət” məlumat yayıb.
Məlumata görə, Rza Zərrab Nyu Yorkdan 40 dəqiqəlik məsafədə yerləşən Vestçester həbsxanasına aparılıb.
Maraqlısı isə ondadır ki, 19 yanvar tarixində Nyu York Apellyasiya Məhkəməsindən göndərilən, notarius tərəfindən təsdiq edilmiş məhkəmə sənədlərinin də məhz həmin həbsxanada Rza Zərraba təhvil verildiyi göstərilsə də, həbsxananın özünün rəsmi qeydiyyat sənədlərində Zərrabın adına rast gəlinməyib.(Axar.az)

Xəbərdən istifadə edərkən istinad etmək vacibdir.