ABŞ "Vaqner” özəl hərbi şirkətinin döyüşçülərinə zərbə endirməklə Moskvanı ağır vəziyyətə saldı.
Bunu "Obozrevatel” saytına açıqlamasında rusiyalı politoloq Andrey Piontkovski söyləyib.
"Bu, böyük zərbə idi. Hərbi baxımdan orada heç nə dəyişməyib. Ruslar burada o qədər də vacib olmayan neftayırma zavodunu ələ keçirmək istəyirdilər. Rusiya fevralın 7-də qlobal problemləri həll edən böyük güc kimi zərbə aldı. Bu toqquşma göstərdi ki, Amerika və Rusiya hərbçiləri fərqli səviyyələrdədir. 7 fevral olayı Rusiyanın Suriyada ciddi məğlubiyyətidir. Artıq hərbi elita Putindən Suriyadan çıxmağı tələb edir”, – deyə o bildirib. (Axar.az)

Xəbərdən istifadə edərkən istinad etmək vacibdir.