Azərbaycan-İran sərhədində yaranan mövsümi növbələrin aradan qaldırılması üçün təkliflər hazırlanıb.
Xeberle.com APA-ya istinadən xəbər verir ki, bu barədə Xaçmazda jurnalistlərə açıqlamasında Dövlət Gömrük Komitənin sədri Aydın Əliyev bildirib.
Onun sözlərinə görə, artıq bununla bağlı razılıq əldə olunub. "İran tərəfi 24 saatlıq iş rejiminə keçməklə bağlı öz təklifini bildirib. Biz də müraciət etmişik ki, Gömrük Komitəsinə müvafiq kadr sahəsində, bu istiqamətdə kadrların artırılması istiqamətində köməklik lazımdır," - deyə A. Əliyev qeyd edib.
Komitə sədri bununla bağlı hökumət və maliyyə nazirliyinə təkliflərin verildiyini də bildirib: "Bununla bağlı müəyyən təşkilati işlər də var. Mənə elə gəlir ki, 24 saatlıq iş rejiminə keçəndən sonra bu tıxaclar aradan qaldırılacaq".
Xəbərdən istifadə edərkən istinad etmək vacibdir.
