Rusiya prezidenti Vladimir Putin Kemerovda "Qış albalısı” ticarət mərkəzində yanğının səbəblərindən danışıb.
Xeberle.com Publika.az-a istinadən xəbər verir ki, Putin səhlənkarlığı və səliqəsizliyi faciənin səbəbi adlandırıb.
"Bizdə nə baş verir? Bu axı döyüş hərəkətləri deyil. İnsanlar uşaqları ilə dincəlməyə gəlmişdilər. Biz demoqrafiya haqqında danışırıq və nəyə görə bu qədər insan itiririk? Cinayətkar səhlənkarlıq və səliqəsizliyə görə baş verib”, - Putin Kemerovda yanğının nəticələrinin aradan qaldırılmasına həsr edilmiş müşavirədə deyib.
Rusiya lideri İstintaq Komitəsinin başçısı Aleksandr Bastırkinə faciəyə səbəb olmuş vəzifəli şəxslərin hərəkətlərinə hüquqi qiymət verməyi tapşırıb.
Xatırladaq ki, Kemerovda matrın 25-də dördmərtəbəli ticarət mərkəzində yanğın baş verib. 64 nəfər, həmçinin ən azı 8 uşaq faciənin qurbanı olub. Xəstəxanalarda 13 zərərçəkmiş qalır.

Xəbərdən istifadə edərkən istinad etmək vacibdir.