![Respublikaçılar təslim oldular: Paşinyan təsdiqlədi Respublikaçılar təslim oldular: Paşinyan təsdiqlədi](/uploads/posts/2018-05/medium/1525354682_25.jpg)
Baş nazir seçildikdən sonra hansı iqamətgahda qalacağımı müəyyən etməmişəm. Hər şey qanun çərçivəsində olacaq.
Bunu jurnalistlərə açıqlamasında Nikol Paşinyan deyib. Paşinyan saqqalını qırxıb-qırxmayacağını da hələ müəyyənləşdirmədiyini bildirib.
O, Respublika Partiyasının ona dəstək verəcəyini vurğulayıb:
"Vaqram Baqdasaryan mənimlə görüşdə təsdiq etdi ki, məni dəstəkləyəcəklər. Məni baş nazir vəzifəsinə irəli sürəcəklər. Bunu fakt hesab etmək olar”.
Qeyd edək ki, Nikol Paşinyan artıq ABŞ-ın Ermənistandakı səfiri Riçard Milzlə görüşüb. O, həmçinin, bu gün Rusiya, Gürcüstan, İran və Avropa Birliyi səfirləri ilə görüşəcəyini də bildirib.(Axar.az)
Xəbərdən istifadə edərkən istinad etmək vacibdir.