Ermənistanda ilk respublikanın yaranmasıyla bağlı keçirilən bayram tədbirləri kəskin tənqidlərə məruz qalıb.
Bu barədə məlumatı "Qraparak” qəzeti yayıb. Belə ki, yeni hökumətin Sərdarabad kompleksində təşkil etdiyi tədbirdə daha çox sovet və rus mahnılarına üstünlük verilib. Bu, ictimaiyyətdə narazılığa səbəb olub. Etirazçılar bunu Ermənistanın suverenliyinə hörmətsizlik kimi qəbul ediblər.
Nikol Paşinyanın dünənki tədbirə dəvətləri də maraqlı məqamları üzə çıxarıb. Belə ki, Paşinyan təşkil edilən dövlət tədbirinə siyasi elitanın bəzi nümayəndələrinin çağırılmasına imkan verməyib. Dəvət edilənlər sırasında Respublika Partiyasından cəmi üç deputat yer alıb. Paşinyan həmçinin Daşnaksütyun Partiyasının nümayəndələrini də tədbirə dəvət etməyib.
Respublika Partiyasından olan spiker Ara Babloyan isə ümumiyyətlə, dəvəti qəbul etməyib.(Kult.az)

Xəbərdən istifadə edərkən istinad etmək vacibdir.