"Amerikanının xəbərdarlığı məlum məsələdir ki, Rusiyanın əvvəlki prezident seçkilərinə müdaxilə etdiyinə görədir. Artıq bu bir faktdır ki, Rusiya Amerika Birləşmiş Ştatlarında (ABŞ) keçirilən əvvəlki seçkilərə qarışıb”.
Bu sözləri Xeberle.com-a açıqlamasında politoloq Əhəd Məmmədli amerikalı senator Con Nili Kennedinin Rusiyanın nüfuzlu "Kommersant” qəzetinə verdiyi müsahibəyə münasibət bildirərkən qeyd edib. Onun sözlərinə görə, hazırda Rusiya barışıq əldə edilməsinin tərəfdarıdır:
"Mən inanmıram ki, noyabr seçkilərində də Rusiya ABŞ-a müdaxilə etsin. Çünki əvvəlki seçkilərdə onun üstünə həm Amerika, həm də Böyük Britaniya gəldi. Ona görə də düşünmürəm ki, Putin yenə də Amerika ilə belə bir qarşıdurmaya getsin. Əgər ABŞ-ın Rusiya ilə bağlı planları varsa və ona qarşı soyuq müharibə mövqeyində olmaq istəyirsə, təbii ki, seçki məsələsini də rusların üstünə ata bilər. Amma Rusiya yenidən Qərblə qarşıdurma yaşamaq istəməz. Əksinə Putin barışıq əldə edilməsinin tərəfdarıdır. Çünki tətbiq olunan sanksiyalar istər-istəməz Rusiyanın iqtisadiyyatına təsir edir. Dediyim kimi, Amerikanın xəbərdarlığı normaldır, amma Rusiyanın bu seçkilərə qarışacağına inanmıram. Ötən seçkilərdə Rusiya ABŞ-a müdaxilə etsə də, mənə elə gəlir ki, onlara lazımi sanksiyalar verilmədi. Çünki Rusiya Ukraynadakı mövqeyindən bir addım da geri atmayıb”.
Qeyd edək ki, amerikalı senator Con Nili Kennedi "Kommersant” qəzetinə müsahibəsində Rusiyanın ABŞ-da keçiriləcək seçkilərə müdaxilə edəcəyi təqdirdə ona qarşı sərt və amansız cavab verəcəklərini bildirib.
Elnarə Salamova
Xeberle.com
Siyasət bölməsi
Xəbərdən istifadə edərkən istinad etmək vacibdir.
