Yeni Azərbaycan Partiyası (YAP) Sumqayıt şəhər təşkilatının
təşkilatçılığı ilə 18 oktyabr Azərbaycan Respublikasının Müstəqillik Gününə həsr
edilmiş tədbir keçirilib.
Xeberle.com-a verilən məlumata görə, tədbirdə YAP
Sumqayıt şəhər təşkilatı sədrinin Gənclərlə
iş üzrə müavini Elmar Xəlilov, sədrin təşkilati məsələlər üzrə müavini Vəzirxan
Ənsərov, Aparat rəhbəri Aqşin Əliyev, Qızıl Aypara Cəmiyyəti Sumqayıt şəhər
bölməsinin rəhbəri Mətanət Məhərrəmova, Azərbaycan Dövlət İnformasiya Agentliyi
(AZƏRTAC)-ın regional əməkdaşı Ətraba Rzayeva, Sumqayıt Gənclər Evinin rəhəri Pəri
Vəlieyava və İsrail - Azərbaycan üzrə hüquq eksperti İsmayı Zalov iştirak edib.
Tədbir Azərbaycan Respublikasının Dövlət Himninin səsləndirilməsi ilə başladı.
Tədbiri giriş sözü ilə açan YAP Sumqayıt şəhər təşkilatı sədrinin Gənclərlə iş
üzrə müavini Elmar Xəlilov qonaqları salamlayaraq oktyabrın 18-i Azərbaycanın
Dövlət Müstəqilliyi Günü ilə əlaqədar geniş məruzə ilə çıxış etdi.
XX yüzilliyin sonlarında SSRİ-nin süquta uğraması
ilə yaranan əlverişli tarixi şərait və taleyin bəxş etdiyi imkan nəticəsində Azərbaycan
xalqı XX əsrdə ikinci dəfə müstəqillik bayrağını qaldırdı. Bu, xalqımızın
siyasi tarixində XX əsrdəki ikinci parlaq qələbəsi idi. Milli müstəqillik bəşər
tarixi boyu xalqların, millətlərin ən çox arzusunda olduqları siyasi, hüquqi və
mənəvi tələbatları arasında əsas nemət oldu. Çünki müstəqil olmayan bir xalq və
millət daima var ola bilməz. Milli müstəqilliyini əldən vermiş millətlər
zaman-zaman başqa xalqların və millətlərin içində assimilyasiyaya uğrayaraq
tarixində arxivlərində qalırlar. Hər xalqın, millətin milli və dövlət müstəqilliyinin
əldə edilməsində mühüm tarixi missiyaya malik olan dahi şəxsiyyətləri var. Öz
xalqlarına milli müstəqillik nemətini daddıra bilən həmin dahilər heç zaman
unudulmur. Dünya və bəşər tarixində Azərbaycan adlı coğrafi məkanın milli müstəqil
dövlət institutu halına gətirilməsi, milli müstəqilliyimizin 70 ildən sonra
yenidən bərpası dahi şəxsiyyət, ulu öndər Heydər Əliyevə nəsib oldu. Bəli, bu
gün birmənalı şəkildə demək olar ki, Heydər Əliyev bəşəriyyət tarixində mənsub
olduğu xalqa və millətə milli dövlət müstəqilliyini yenidən qazandıra bilən
xilaskarlıq fenomenidir. Azərbaycanın milli dövlət müstəqilliyinin yenidən bərpa
olunması missiyasının Heydər Əliyev fenomeninə qismət olması əslində heç də təsadüfü
deyildi.
Tədbirdə "Müstəqilliyimiz əbədidir” sənədli - qısa
metrajlı film izlənildi.
Sənədli qısa metrajlı filmi izləndikdən sonra YAP
Sumqayıt şəhər təşkilatının bir qrup gəncləri: Nərmin Tağıyeva, Tural Məmmədov
və Lalə Cəlilzadə 18 oktyabr Azərbaycan Respublikasının Müstəqəllik Günü ilə əlaqədar
ayrı-ayrılıqda məruza ilə çıxışlar etdilər.
Daha sonra dəvət olunan qonaqlardan Qızıl Aypara Cəmiyyəti
Sumqayıt şəhər bölməsinin rəhbəri Mətanət Məhərrəmova, Azərbaycan Dövlət
İnformasiya Agentliyi (AZƏRTAC)-ın regional əməkdaşı Ətraba Rzayeva və İsrail -
Azərbaycan üzrə hüquq eksperti İsmayı Zalov 18 oktyabr Azərbaycan
Respublikasının Müstəqəllik Günü haqda fikirlərini bildirdilər.
Sonda YAP Sumqayıt şəhər təşkilatı sədrin təşkilati
məsələlər üzrə müavini Vəzirxan Ənsərov "Heydər Əliyev- Müstəqil Azərbaycan
dövlətinin qurucusu və yaradıcısı” dır mövzüsünda çıxış etmişdir.
Xəbərdən istifadə edərkən istinad etmək vacibdir.
