Rusiya Federal Baytarlıq və Fitosanitar Nəzarəti Xidməti (Rosselxoznadzor) Avrasiya İqtisadi Birliyinin (AİB) sanitar-baytarlıq tələblərinin pozulması ilə əlaqədar Ermənistanın bəzi müəssisələrinin məhsullarının Rusiyaya idxalına müvəqqəti məhdudiyyətlər qoyub.
Bu barədə Xeberle.com "RİA Novosti"yə istinadən xəbər verir.
"Rosselxoznadzor"un yaydığı bəyanatda bildirilir ki, aparılan laborator yoxlamaların nəticəsində AİB-nin sanitar-baytarlıq tələblərinə cavab verməyən müəssisələrin məhsulları ölkə ərazisinə buraxılmayacaq.
Məhdudiyyətlər həmçinin Almaniya və Koreyanın da bəzi müəssisələrinin məhsullarına tətbiq olunacaq.
Xəbərdən istifadə edərkən istinad etmək vacibdir.
