ATƏT Azərbaycan Prezidenti İlham Əliyevin Vyanada Ermənistanın baş naziri Nikol Paşinyanla keçirdiyi görüşlə bağlı bəyanat yayıb.
Xeberle.com xəbər verir ki, bəyanatda görüşün müsbət və konstruktiv şəraitdə keçdiyi vurğulanıb.
"Azərbaycan Respublikasının Prezidenti İlham Əliyev və Ermənistan Respublikasının baş naziri Nikol Paşinyan bu gün ATƏT-in Minsk Qrupu həmsədrlərinin vasitəçiliyi ilə Vyanada görüşüblər. Görüşd, həmçinin, iki ölkənin xarici işlər nazirləri - Elmar Məmmədyarov, Zohrab Mnaçakanyan, ATƏT-in fəaliyyətdə olan sədrinin şəxsi nümayəndəsi Anjey Kasprşik də iştirak edib", - deyə Bayanatda bildirilib.
Bəyanatda daha sonra bildirilir ki, görüş iki liderə öz mövqelərini aydınlaşdırmağa imkan verib: "Onlar əsasən nizamasalma prosesinin əsas məsələləri üzrə fikirlər və ideyalar ətrafında fikir mübadiləsi aparıblar. Hər iki lider sülh şəraiti vəziyyətinin yaradılması və münaqişənin dinc yolla həllinin tapılması üçün danışıqlar prosesində konkret və hiss olunan addımların qəbulunun əhəmiyyətini vurğulayıblar”.
Azərbaycan Prezidenti İlham Əliyev və Ermənistanın baş naziri Nikol Paşinyan öz ölkələrinin XİN rəhbərlərinə yaxın gələcəkdə yenidən həmsədrlərlə görüşməyi tapşırıblar. Onlar, həmçinin birbaşa dialoqu davam etdirməyi razılaşdırıblar.
Xəbərdən istifadə edərkən istinad etmək vacibdir.
