Rusiya prezidenti Vladimir Putinlə Ermənistan baş naziri Nikol Paşinyan arasında telefon danışığı olub.
Kremlin yaydığı məlumata görə, telefon danışığı zamanı Paşinyan martın 29-da Dağlıq Qarabağ münaqişəsinin həlli ilə bağlı Vyanada Azərbaycan prezidenti İlham Əliyevlə görüşü barədə Putini məlumatlandırıb və danışıqlar prosesinə əhəmiyyətli vasitəçiliyinə görə Rusiya tərəfinə təşəkkür edib.
Putin bildirib ki, Rusiya ATƏT-in Minsk qrupunun xətti ilə münaqişənin həlli yollarının əsas aspektlərinin tənzimlənməsinə gələcəkdə də səy göstərməyə hazırdır.
Bundan başqa, tərəflər ikitərəfli münasibətlərin aktual məsələləri, o cümlədən, Avrasiya məkanında inteqrasiya birlikləri çərçivəsində qarşılıqlı fəaliyyət məsələlərini müzakirə ediblər.
Xəbərdən istifadə edərkən istinad etmək vacibdir.
