Türkiyə Prezidenti Rəcəb Tayyib Ərdoğanın Novruz bayramı münasibətilə təbrik mesajı yayımlanıb.
Xeberle.com xəbər verir ki, Türkiyə prezidenti təbrik mesajında Ərdoğan bütün dünyaya birlik və həmrəylik arzu edib.
"Yazın muştuluqçusu, sülh və qardaşlığın simvolu Novruz gününü təbrik edirəm.
Mərkəzi Asiyadan Anadolu və Balkanlaradək geniş coğrafiyada min
illərdir coşqu ilə qeyd olunan Novruzun işarə etdiyi birlik və həmrəylik
hissinin bütün dünyaya kök salmasını və daimi olmasını diləyirəm.
Novruzun cücərtdiyi ümid və həyəcanla həm ölkəmiz, həm bölgəmiz, həm
də bütün bəşəriyyət üçün daha firavan, daha ədalətli və daha təhlükəsiz
gələcəyi qadını və kişisi ilə, gənci və yaşlısı ilə çiyin-çiyinə qurmağa
davam edəcəyik.
Novruzun əziz millətimizə və bütün insanlığa əmin-amanlıq, bərəkət və
muştuluqlar gətirməsinə ümid edir, bütün vətəndaşlarımızı
səmimi-qəlbdən salamlayıram”, - o bildirib.
Xəbərdən istifadə edərkən istinad etmək vacibdir.
