Ermənistan Kütləvi İnformasiya Vasitələri son günlər Azərbaycanın işğal olunmuş ərazilərində  bu ölkəyə məxsus hərbçilərin öldürülməsi barədə tez-tez məlumatlar yayırlar. Bu mövzuya zərgər dəqiqliyi ilə yanaşan, hər zaman verdiyi itkini gizlətməyə çalışan, Qarabağ məsələsinə aid bütün yazıları xüsusi xidmət orqanlarının süzgəcindən keçdikədn sonar dərc edən Ermənistan KİV-nin bu addımı xeyli maraqlı görünür.

Sual olunur, birdən-birə nə baş verdi ki, Ermənistanda hakim klanın nəzarətində olan mətbuat hərbçilərin ölümü barədə məlumatlar verməyə başladı.

Birinci ondan başlayaq ki, mətbuatda yer alan məlumatlar Ermənistanın itkilərinin tam statistikası deyil.

Bununla bağlı ilk olaraq diqqəti ötən ilin iyul, avqust aylarında atəşkəs bölgəsində baş verən hadisələrə yönəldək.

Birmənalı olaraq demək olar ki, həmin vaxt cəbhənin bütün istiqamətlərində vəziyyət Azərbaycan tərəfinin xeyrinə idi.

Bunun başlıca səbəblərindən biri yeni müdafiə naziri təyin olunmuş Zakir Həsənovun mesajları oldu. Nazir siyastçi kimi deyil, peşəkar hərbçi kimi açqlamalar verdi. Açıqlamaların arxasında isə gerçəkliklər görünməyə başladı.

Və nəticə olaraq ümumən Azərbaycanda müharibə istəyi gücləndi. Uzun illər Azərbaycan cəmiyyətini yatmış hesab edən Ermənistan belə bir təpkini gözləmirdi.

Qeyd etdiyimiz kimi iyul, avqust hadisələri Ermənistanı silkələdi. Təbii ki, buraya Dilqəm Əsgərov, Şahbaz Quliyev və Həsən Həsənov faktoru da əlavə edildi: İnsanlar öz evlərinə qayıdırlar, onları bu yoldan ölüm də çəkindirmir.  

Bundan bir qədər öncə Rusiya Azərbaycan münasibətlərində baş verən inkışaf  digər fazada üstünlüyümüzü bərqərar etdi.

Paralel olaraq, Rusiya lideri Putinin yaratdığı Avrasiyya ittifqında Nazarbayevin Azərbaycanın mövqeyini ciddi müdafiə etməsi Ermənistana böyük zərbə oldu.

Həm cəbhədə, həm də konkret olaraq Rusiya ilə münasibətlər fonunda Azərbaycana uduzan Ermənistan cəmiyyətində əsgər ölümlərinə etirazlar edildi. Ölkə mətbuatı qınanılmağa başladı.

Bundan sonar erməni KİV-ləri az da olsa Ermənistanın cəbhədə verdiyi itkilər barədə məlumatlar verməyə başladı. Ehtiraflar getdikcə böyüdü. Bu etiraflar isə Ermənistan üçün ciddi fəsad olacaq məsələlərə yol açdı.

Ermənistanda valideynlər övladlarının Qarabağa əsgər kimi göndərilməsinin əleyhinə çıxdı.

Həm cəmiyyətdə, həm də cəbhədə gerilədiyini hiss edən Ermənistan rəsmiləri üçün bir tərəfdən də Rusiyanın son zamanlar Qarbağ məsələsinə sakit yanaşması, Ermənistanı zəif müdafiə etməsi ciddi təşviş yaratdı.

Son hadisə, Gümrüdə Rusiya hərbi bazasının əsgərinin erməni ailəsinin bütün üzvlərini öldürməsi fonunda Rusiyanın bayrağının ayaqlar altına atılması da ciddi məsələlərdən xəbər verir. Bu, həm də  onu göstərdi ki, artıq Ermənistan cəmiyyəti  öz təhlükəsizliyi ilə bağlı Rusiyaya inanmır.

Amma bu ölkə Qarabağ məsələsində Rusiyadan ümidini üzmək də istəmir. Əks halda Azərbaycanla üz-üzə qalacaq Ermənistanı ciddi problemlər gözləyir.

Diplomatik mənbələrdən sızan məlumata görə, rəsmi İrəvan Rusiyanın mövqeyindən son dərəcə narahatdır və təhlükəsizliyinin bu ölkə tərəfindən təmin edilməsi üçün bütün rıcaqlarını işə salıb.

Bütün ümidini dünya liderlərinin 24 aprel 2015-ci ildə İrəvana toplaşacağı üstündə quran Ermənistan hazırda çıxılmaz və narahat durumdadır.

Qarabağdakı itkilərin mediada yer alması məhz yuxarıda sadaladıqlarımızdan irəli gəlir.    (modern.az)