Rusiya Prezidenti Vladimir Putin Almaniya kansleri Angela Merkel ilə yaxşı işgüzar əlaqələri olduğunu və həmkarı kimi onun üçün darıxacağını bildirib.
Xeberle.com xəbər verir ki, bu barədə Putin Sankt-Peterburqda keçirilən Beynəlxalq İqtisadi Forumda deyib.
Merkel daha əvvəl sentyabrda Almaniya bundestaqına keçiriləcək seçkilərdən sonra siyasətdən gedəcəyini açıqlayıb.
"Onun üçün darıxacağam. Merkelin yerinə kimin gələcəyini bilmirəm. Angela ilə həqiqətən işgüzar əlaqələrimiz var idi və onu çox yüksək qiymətləndirirəm", - Rusiya lideri bildirib.
Putin Merkeli təcrübəli siyasətçi, açıq və etibarlı, öz mövqeyini sonadək qoruya bilən şəxs adlandırıb.
Xəbərdən istifadə edərkən istinad etmək vacibdir.
